АҚШ Мемлекеттік хатшысының қару-жарақты бақылау және таратпау мәселелері жөніндегі көмекшісінің орынбасары міндетін атқарушы Кристофер Клайн бастаған АҚШ Мемлекеттік департаментінің делегациясымен кездесу өтті.

Қазақстан тарапынан кездесуге Қазақстан Республикасы Атом энергиясы жөніндегі агенттік төрағасының орынбасарлары Тимур Жантикин мен Әсет Махамбетов, сондай-ақ агенттіктің салалық департаменттерінің және «ҚАЭС» ЖШС өкілдері қатысты.

Келіссөздер барысында атом энергиясын бейбіт мақсатта пайдалану саласындағы Қазақстан-Америка ынтымақтастығын дамыту мәселелері қаралды.

Екіжақты әріптестікті нығайтуға және практикалық өзара іс-қимылды кеңейтуге өзара мүдделілік расталды.

Талқылау ынтымақтастықты тереңдету перспективаларын, соның ішінде сараптамалық біліммен алмасуды және өзара іс-қимылдың институционалдық тетіктерін дамытуды қамтыды.

Тараптар жаһандық энергетикалық нарықтарды трансформациялау жағдайындағы күш-жігерді үйлестірудің маңыздылығын және тұрақты энергия көздерінің өсіп келе жатқан рөлін атап өтті.

Кездесу қорытындысы бойынша тараптар атом саласын дамытуға және екіжақты әріптестікті нығайтуға бағытталған сындарлы диалогты жалғастыруға және ынтымақтастықты одан әрі кеңейтуге дайын екендіктерін білдірді.