Партияның Орталық аппаратының келісімі бойынша «AMANAT» партиясы Семей қалалық филиалының атқарушы хатшысы лауазымына Айдос Әбілғазыұлы Төлеуханов тағайындалды.

Айдос Әбілғазыұлы 1993 жылғы 26 шілдеде Шығыс Қазақстан облысы, Үржар ауданы, Үржар ауылында дүниеге келген. Білімі жоғары. 2013 жылы М. Әуезов атындағы педагогикалық колледжін, ал 2020 жылы Шәкәрім университеті «Мемлекеттік және жергілікті басқару» мамандығы бойынша тәмамдап, еңбек жолын қоғамдық-саяси және мемлекеттік қызмет салаларында бірқатар жауапты лауазымдардан бастаған. 

Еңбек жолында қоғамдық-саяси және жастар саясаты салаларында қызмет атқарып, «Nur Otan» партиясының қалалық және облыстық филиалдарында, Шәкәрім университетінде, сондай-ақ Абай облысының қоғамдық даму басқармасы мен жастар ресурстық орталығында жауапты лауазымдарды абыроймен атқарды.