Облыс әкімі Бесқарағай ауданына қоныс аударған отбасымен кездесті

13-06-2026, 15:23 Думан Кенжеғазыұлы

Аймақ басшысы Берік Уәли «Қаладан – ауылға» жобасы аясында Бесқарағай ауданына қоныс аударған отбасылардың тұрмыс-тіршілігімен танысты.

Қазіргі уақытта Бесқарағай ауданына 31 отбасы, жалпы саны 161 адам қоныс аударған. Көшіп келушілерге тұрғын үйлер дайындалып, қажетті тұрмыстық жағдай жасалған. Ірі шаруа қожалықтары мен ауыл тұрғындары тарапынан отын-көмір, азық-түлік және басқа да қажетті тұрмыстық заттармен көмек көрсетілуде.

Облыс әкімі Семей қаласынан Бесқарағай ауданының Башкөл ауылына көшіп келген көпбалалы ана Жадыра Жұматаевамен жүздесті. Бес бала тәрбиелеп отырған ана жеке кәсібін бастауды, яғни, дүкен, наубайхана ашуды жоспарлап отыр. Қазіргі уақытта округ әкімдігі тарапынан ғимарат берілген.

«Өздеріңіз жақсы білесіздер, «Қаладан – ауылға» жобасының жүзеге аса бастағанына 4 айға жуықтап қалды. Қазіргі таңда Бесқарағай ауданы көрсеткіш бойынша алдыңғы қатарда келеді. Бесқарағай – тоғыз жолдың торабында орналасқан, қалаға жақын, табиғаты көркем аудандардың бірі. Содан да болар, осы ауданға сұраныс өте жоғары. Осындай тамаша мекенге қоныс аударып, келіп жатқандарыңызға қуаныштымыз. Жұмысыңызға табыс тілеймін. Заң аясында барлық көмекті көрсетеміз», – деді Берік Уәли.

Аталған отбасыға көшіп келу жол шығындары өтеліп, отын-көмір және азық-түлікпен қамтамасыз етілді. Сондай-ақ, бір ірі қара мал берілді.

«Биылғы жылдың сәуір айында «Қаладан – ауылға» жобасы бойынша Бесқарағай ауданының Башкөл ауылына көшіп келдім. Негізгі мақсатым – ауылды көркейту, жеке кәсібімді ашып, үлесімді қосқым келеді», – деді Жадыра Жұматаева.

Қазіргі таңда Башкөл ауылына 2 отбасы, 11 адам көшіп келген. Оның 8-і – балалар. Жоба басталғалы бері облысқа 191 отбасы, яғни, 623 адам қоныс аударды.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Көкпекті ауданының 2025 жылдың әлеуметтік-экономикалық даму көрсеткіштері Мемлекет басшысы Қасым-Жомарт Тоқаевтың Ұлттық құрылтайдың бесінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»

Бізге ақпарат жолдаңыз Телеграмдағы каналымыз

Облыс әкімі Бесқарағай ауданына қоныс аударған отбасымен кездесті

Пікірлер (0)