Байқоңыр ғарыш айлағында Қазақстан Республикасы Премьер-Министрінің орынбасары – Жасанды интеллект және цифрлық даму министрі Жаслан Мәдиев «Роскосмос» мемлекеттік корпорациясының бас директоры Дмитрий Бакановпен кездесу өткізді.

Кездесу барысында тараптар «Бәйтерек» бірлескен қазақстандық-ресейлік жобасының іске асырылу барысын талқылап, 2026 жылғы 30 сәуірде «Бәйтерек» ғарыш зымыран кешенінен SUNKAR/«Союз-5» зымыран-тасығышының алғашқы сынақ ұшырылымының сәтті өткенін атап өтті.

Сонымен қатар, жобаны одан әрі іске асырудың өзекті мәселелері, «Байқоңыр» кешені жөніндегі Үкіметаралық комиссияның шешімдері мен тапсырмаларын орындау, сондай-ақ ғарыш инфрақұрылымын дамыту және ғарыш саласындағы екіжақты ынтымақтастықты нығайтудың болашағы қарастырылды.