Қазақстан Республикасы Экология және табиғи ресурстар министрлігінде Министр Ерлан Нысанбаевтың және Қытайлық «Цзи Ди Цзао (Бейжің) Биотехнологиялар» компаниясының қатысуымен кездесу өтті.

Кездесуде шөл балдырлары биотехнологиясын топырақты қалпына келтіру, шөлейттенуге қарсы күрес және экологиялық ауыл шаруашылығын дамыту мақсатында қолдану мүмкіндіктері талқыланды.

Қатысушылар Арал теңізінің құрғаған табанындағы тәжірибелік жұмыстардың нәтижелерін, технологияны Қазақстан жағдайына бейімдеу және бірлескен ғылыми жобаларды іске асыру перспективаларын қарастырды.

Кездесу қорытындысы бойынша аталған технологияның тиімділігін одан әрі зерделеу жөнінде уағдаластыққа қол жеткізілді.