Cемей11°С
Ауа-райы
  • Абай14°С
  • Аягөз17°С
  • Ақсуат16°С
  • Бородулиха18°С
  • Қалбатау19°С
  • Курчатов18°С
  • Көкпекті16°С
  • Үржар17°С
478.93 534.96 5.16

Геральдика және мемлекеттік рәміздер мәселесі талқыланды

15-05-2023, 08:56 Думан Кенжеғазыұлы

ҚР Мемлекеттік кеңесшісі Ерлан Қариннің төрағалығымен Мемлекеттік рәміздер мен ведомстволық және оларға теңестірілген өзге де наградалар геральдикасы мәселелері жөнінде республикалық комиссияның отырысы өтті.

Мемлекет басшысы Қазақстан халқы Ассамблеясының XXXII сессиясында еліміздің геральдикалық рәміздерін одан әрі жетілдіруге қатысты мәселе көтергені мәлім. Осы орайда Комиссия мүшелері бұл жұмысты ұйымдастыру тәсілдерін талқылады.

Бұдан бөлек, Атырау және Батыс Қазақстан облыстары әкімдіктерінің мемлекеттік рәміздерді пайдалану, қолдану және насихаттау жұмыстарының есебі тыңдалды.

Сонымен қатар отырыс барысында мемлекеттік рәміздерді пайдалану кезінде кемшіліктерге жол берген кейбір өңірлерге ескерту жасалды.

Сондай-ақ белгіленген стандарттарды сақтау мақсатында өкілетті органдарға мемлекеттік рәміздерді дайындайтын мекемелермен тиісті жұмыс жүргізу ұсынылды.

Жиын соңында Ерлан Қарин құзыретті органдарға мемлекеттік рәміздерді пайдалану және насихаттау бағытындағы жұмыстарды бақылау ісін күшейту жөнінде бірқатар тапсырма берді.

Пікірлер (0)

Кликните на изображение чтобы обновить код, если он неразборчив