Оңайлатылған декларация негізіндегі арнаулы салық режимін қолдану тәртібі  туралы түсіндірілді. Бұл туралы Өңірлік коммуникациялар қызметінде өткен брифингте Семей қаласы бойынша Мемлекеттік кірістер басқармасы басшысының орынбасары Жұмаділов Еркін Жұмақанұлы мен Жеке кәсіпкерлерді әкімшілендіру бөлімінің басшысы Еркін Сұңғат Еркінұлы мәлімдеді.

2026 жылдан бастап бұл режимді Қазақстан Республикасының резиденттері болып табылатын жеке кәсіпкерлер мен заңды тұлғалар қолдана алады. Бұл ретте жылдық табыс мөлшері 600 000 АЕК-тен аспауы және заңнамада белгіленген тыйым салынған қызмет түрлерімен айналыспауы қажет.

2026 жылдан бастап аталған режим бойынша негізгі салық мөлшерлемесі табыс сомасының 4 пайызын құрайды. Сонымен қатар жергілікті мәслихаттардың шешімімен бұл мөлшерлеме 2 пайызға дейін төмендетілуі немесе 6 пайызға дейін ұлғайтылуы мүмкін.

Мамандардың айтуынша, жаңа режим салық есептілігін жеңілдетіп, кәсіпкерлердің әкімшілік жүктемесін азайтуға мүмкіндік береді.