Абай облысында Қазақстан Республикасы Құрылтайы депутаттарының сайлауы өтіп жатыр.

Облыс әкімі Берік Уәли Семей қаласындағы Семей медицина университеті ғимаратында орналасқан №93 сайлау учаскесіне барып, дауыс берді.

Аймақ басшысы бүгінгі сайлаудың ел өміріндегі маңызды қоғамдық-саяси науқан екенін жеткізіп, өңір тұрғындары азаматтық белсенділік танытатына сенім білдірді.

Абай облысында сайлаушылар тізіміне 402 408 азамат енгізілген. Өңірде 464 сайлау учаскесі жұмыс істейді. Оның 429-ы ашық, 35-і жабық учаске. Құрылтай депутаттары сайлауын өткізуге облыс бойынша барлығы 477 сайлау комиссиясы жұмылдырылған. Оның ішінде 1 облыстық, 12 аумақтық және 464 учаскелік сайлау комиссиясы бар. Комиссиялар құрамында 3261 адам жұмыс істейді, олардың сайлау науқандарын өткізу тәжірибесі бар.

Барлық сайлау учаскелері қажетті материалдық-техникалық базамен толық жабдықталған. Мүмкіндігі шектеулі азаматтардың дауыс беруіне қолайлы жағдай жасауға да ерекше көңіл бөлінді. Өңірдегі 458 сайлау учаскесі ғимараттардың бірінші қабатында орналасқан. 429 ашық учаскенің барлығы пандустармен, 397-сі тактильді көрсеткіштермен жабдықталған.