9 қыркүйек – Дүниежүзілік тоғызқұмалақ күніне орай Семей қаласындағы «Әлем» спорт кешенінде ұлттық зияткерлік ойынымыздан турнир өтуде.

Басқосу тоғызқұмалақты кеңінен насихаттап, ұлттық ойынымыздың мәртебесін арттыруға және спортшылардың шеберлігін шыңдауға бағытталған. Жарысқа тоғызқұмалақтан бақ сынайтын спортшылар мен әуесқойлар қатысып, өзара мықтыны анықтауда.

Абай облысы бойынша Тоғызқұмалақ федерациясының президенті Жарқын Түсіпбекұлы жарысқа қатысушыларға сәттілік тілеп, Дүниежүзілік тоғызқұмалақ күнімен құттықтады.

Турнир барысында қатысушылар өздерінің тактикалық шеберлігі мен логикалық ойлау қабілетін ортаға салып, тартысты бәсекеге түсуде. Мұндай жарыстар ұлттық ойынды дәріптеп, жас ұрпақтың тоғызқұмалаққа деген қызығушылығын арттыруға ықпал етеді.