Былтыр 11 маусымда «Абай Ақпарат» редакциясы «Канонерка – Қарамырза» бағытындағы жолдың жағдайын көтерген болатын. Мәселе аймақ басшысы Берік Уәлидің назарына жетіп, 2025 жылы 5 шілдеде облыс әкімі жол учаскесіне арнайы барып, жағдайды өз көзімен көрді.

Тұрғындардың уәжі орынды екенін айтқан аймақ басшысы бірден тиісті басқарма басшысына жолды жөндеу қажеттігін айтып, оны шешуге уәде берген болатын.

Бүгінде сол уәде орындалып, Канонерка мен Қарамырза ауылының арасындағы жолға асфальт төсеу жұмыстары жүргізілуде.

Аймақ басшысы жауапты мамандарға жол жөндеу жұмыстарын сапалы әрі белгіленген мерзімде аяқтауды тапсырды.

Бесқарағай ауданындағы автомобиль жолдарының жалпы ұзындығы 578 шақырымды құрайды. Оның ішінде аудандық маңызы бар жолдардың 223,4 шақырымына орташа жөндеу жүргізу қажет. Биыл су құбыры желілерінің құрылысы аяқталғаннан кейін орталық көшелерді қалпына келтіру мақсатында екі ауылдық округке 34 млн теңге бөлінді. Қазіргі уақытта ауылішілік жолдарды қалпына келтіру жұмыстары толық аяқталды.

Айта кетейік, осы уақытқа дейін Қарамырзалықтар аудан орталығына құмды жолмен қатынап келген.