Облыс әкімі Көкпекті ауданындағы Қарамойыл ауылының тыныс-тіршілігімен танысты

Кеше, 13:31 Думан Кенжеғазыұлы

Аймақ басшысы Берік Уәли Көкпекті ауданының Қарамойыл ауылына барды. Бүгінде елді мекенде 207 адам тұрады, 68 тұрғын үй бар.

Облыс әкімі әуелі «Талап» шаруа қожалығының басшысы Жұмабек Күшікбаевтың Қарамойыл және Ақой ауылдарының тұрғындары үшін өз қаражатына салған клуб ғимаратында болды.

«Талап» шаруа қожалығы ауылдың әлеуметтік дамуына үлес қосып келеді. Жұмабек Күшікбаев 2014 жылы «Туған елге тағзым» жобасы аясында Гагарин атындағы бастауыш мектеп ғимаратын сатып алып, толық жөндеуден өткізген. Қазір мұнда даярлық тобын қоса алғанда 17 бала білім алады. Кәсіпкер сондай-ақ «Қаладан – ауылға» жобасы аясында ауылға бір отбасын көшіріп әкелген.

Ерекше атап өтерлігі, Жұмабек Күшікбаев ауылдағы мәдениет үйін халық игілігі үшін аудан әкімдігіне сыйға берді.

«Кәсіпкер азамат бұған дейін ауылдастарына мектеп салып берген. Мына мәдениет үйін де өз ауылының тұрғындарына сыйға тарту етіп жатыр екен. Бұл – «Туған жерге туыңды тік» жобасының нақты нәтижесі. Енді қарамойылдықтар мұнда мәдени шаралар, түрлі жиындар өткізе алады. Құтты болсын», – деді Берік Уәли.

Аймақ басшысы «Қаладан – ауылға» жобасы аясында Қарамойылға қоныс аударған көпбалалы отбасы Андрей мен Галина Русякиндердің үйіне барып, тыныс-тіршілігімен танысты. Отағасы Андрей Русякин «Талап» шаруа қожалығында механизатор болып жұмыс істейді. Отбасында жеті бала тәрбиелеп отыр.

«Ауылға көшіп келгеніме қуаныштымын. Жақында жетінші баламды босандым. «Талап» шаруа қожалығының басшысы бізге үй салып берді. Бұл ауыл бізге ұнайды. Балаларға жайлы. Төрт балам мектепте оқиды», – дейді Галина Русякина.

Жыл басынан бері Көкпекті ауданына 50 отбасы, барлығы 131 адам қоныс аударды. Оның ішінде Семей қаласынан 41 адам, еліміздің өзге өңірлерінен 90 адам көшіп келген.

Тағыда оқыңыз

Көкпекті ауданының 2025 жылдың әлеуметтік-экономикалық даму көрсеткіштері Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Қазақстан Республикасының Президенті Қасым-Жомарт Тоқаев: ҚАЗАҚСТАН ЖАҢҒЫРУДЫҢ ЖАҢА КЕЗЕҢІНЕ ҚАДАМ БАСТЫ

Бізге ақпарат жолдаңыз Телеграмдағы каналымыз

Облыс әкімі Көкпекті ауданындағы Қарамойыл ауылының тыныс-тіршілігімен танысты

Пікірлер (0)