Құқықтың барлық салаларының жетекші сарапшылары ұсынатын тегін кеңестер. Кез келген адам өз сұрағын қоя алады. Сондай-ақ, іс-шараға әкімдер мен мемлекеттік органдардың өкілдері қатысады. Заңгерлер кеңес береді, ал мемлекеттік органдар азаматтарды қабылдайды. Азаматтарды қабылдау уақытпен шектелмейді, ол соңғы келушіге дейін жүргізіледі.

Акцияға үздік, жоғары кәсіби заңгерлер, оның ішінде: тәжірибелі, беделді адвокаттар, нотариустар, прокурорлар қатысады. Сондай-ақ тергеушілерге, сот орындаушыларына, полицейлерге, кәмелетке толмағандармен жұмыс жөніндегі қызметкерлерге, әділет, көші-қон полициясы, банк омбудсменіне әркім өз проблемасымен жүгіне алады. Қабылдауды жауапты басшылық лауазымдарды атқаратын ҮЕҰ және мемлекеттік органдардың өкілдері жүргізеді.

Жобаның мақсаты – құқықтық сауаттылықты арттыру және азаматтарға, әсіресе халықтың осал топтарына: аз қамтылған, көпбалалы отбасыларға, жалғызбасты аналарға, мүмкіндігі шектеулі адамдарға, шағын және орта бизнес өкілдеріне, студенттерге және т.б. тегін заңгерлік көмек көрсету.

Іс-шараны ҚР Сыбайлас жемқорлыққа қарсы іс-қимыл агенттігі, Zakon.kz желілік басылымы, «Параграф» ақпараттық жүйесі, мемлекеттік органдар, белгілі заңгерлер мен адвокаттар ұйымдастырады.

Бұрын-соңды болмаған «Халық заңгері» акциясы 2016 жылдан бері өткізіліп келеді. 2016 жылдан 2022 жылға дейін жүз елу мыңнан астам азамат тегін заң көмегін алып, олардың сұрақтарына жеті мыңнан астам заңгерлер мен мемлекеттік органдардың басшылары жауап берді.

Азаматтардың сұрақтары әртүрлі. Біреу азаматтық, ал басқасы қылмыстық іс бойынша кеңес алғысы келеді. Біреу – тұрғын үй заңнамасы бойынша, біреу – еңбек, банк, жер, салық бойынша. Біреуді отбасылық-неке қатынастары, біреуді – мұра, жылжымайтын мүлік, айыппұлдар, несиелеу, кибербуллинг және т.б. мәселелер қызықтырады.

Қазақстанда коронавирустық инфекцияның пандемиясына байланысты карантиндік шаралар қолданылған кезде ғана 2020-2021 жылдары үзіліс жасауға мәжбүр болды. Санитарлық-эпидемиологиялық жағдай тұрақталғаннан кейін ұйымдастырушылар жобаны қайта бастады.

Халықты қамту және өту географиясы жағынан «Халық заңгері» тек Қазақстанда ғана емес, әлемде де теңдесі жоқ жоба. Қазақстан – осындай бірегей кең ауқымды акция пайда болған және жылдан жылға қарқындап келе жатқан бірінші және жалғыз ел.

Семей қаласында акция

2023 жылғы 26 мамыр, сағат 17:00-де

Абай көшесі, 86 мекенжайында орналасқан

Абай атындағы кітапхана ғимаратында басталады