Абай ауданының Көкбай ауылында спорт кешені ашылды
Жаңа спорт нысанының ашылу салтанатына облыс әкімі Берік Уәли қатысты. Аймақ басшысы ауылдық жерлерде спорт инфрақұрылымын дамыту мен тұрғындарға қолайлы жағдай жасаудың маңызына тоқталды.
«Мемлекет басшысының халықты қолжетімді спорт инфрақұрылымымен қамтамасыз ету және бұқаралық спортты дамыту жөніндегі тапсырмаларын іске асыру мақсатында Абай облысында спорт нысандарын салу, жаңғырту және олардың қолжетімділігін арттыру бағытында жүйелі жұмыс жүргізіліп жатыр. Бүгін Көкбай ауылы үшін ерекше күн. Бұл ауылға былтыр да келгенмін. Сол кезде осы спорт кешені сақалды құрылысқа айналып, үш жарым жылдан бері аяқталмай, тоқтап тұрған еді. Мәселені назарға алып, құрылысты аяқтауға қаржы қарастырдық. Аталған нысан ауыл тұрғындарының денсаулығын нығайтуға, балалар мен жасөспірімдерді спортқа баулуға және салауатты өмір салтын қалыптастыруға бағытталған маңызды әлеуметтік жоба. Жаңа спорт кешені Көкбай ауылының тұрғындарына ұзақ жылдар бойы қызмет етіп, ауылда бұқаралық спорттың дамуына және салауатты өмір салтының қалыптасуына өз үлесін қосады деп сенеміз», – деді Берік Уәли.
Жаңа спорт нысанында ауыл тұрғындары, оның ішінде мектеп оқушылары дзюдо, қазақ күресі, футбол және волейбол спорт түрлері бойынша үйірмелерге қатыса алады.
Спорт кешенінің жалпы ауданы 1200 шаршы метрді құрайды. Оның 628 шаршы метрі спорт залына, 572 шаршы метрі әкімшілік-тұрмыстық бөлмелерге арналған. Нысан бір ауысымда 72 адамды қабылдай алады.
Тағыда оқыңыз
Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзіЖаңа Конституцияның жобасы республикалық референдумға шығарылдыМемлекет басшысы Қасым-Жомарт Тоқаевтың Үкіметтің кеңейтілген отырысында сөйлеген сөзі