Орманды сақтау мен қорғау – үлкен жауапкершілік. Бұл жұмыстың нәтижелі болуы сала мамандарының еңбегіне лайықты жағдай жасалып, орман ресурстары тиімді пайдаланылғанда ғана мүмкін.

«Әділет» партиясынан кандидаттар «Семей орманы» мемлекеттік орман табиғи резерватының ұжымымен кездесіп, орман шаруашылығы саласының өзекті мәселелерін талқылады.

Думан Орынбеков өз сөзінде орман шаруашылығының дамуы тек табиғи ресурстарды қорғаумен шектелмеуі керектігін атап өтті. Ал Айнұр Арғынбекова өңірде ағашты терең өңдеу өндірісін дамыту қажеттігін көтерді. Сондай-ақ сала қызметкерлерін материалдық-техникалық қамтамасыз ету мәселесіне назар аударды.

Кездесу барысында Эльзира Солтабаева «Әділет» партиясының Абай облысы бойынша 2026–2031 жылдарға арналған сайлауалды бағдарламасының тоғыз негізгі бағыты туралы айтып, олардың өңірдің экономикалық, әлеуметтік және инфрақұрылымдық дамуын қамтитынын жеткізді.

Ал Роллан Ибраев орман шаруашылығы қызметкерлеріне табиғатты сақтау мен қорғау жолындағы еңбектері үшін алғыс білдірді.

Кездесу ашық пікір алмасу форматында өтіп, сала мамандарының ұсыныстары мен өзекті мәселелерін талқылауға мүмкіндік берді.