Cемей-1°С
Ауа-райы
  • Абай12°С
  • Аягөз6°С
  • Ақсуат6°С
  • Бородулиха-2°С
  • Қалбатау5°С
  • Курчатов13°С
  • Көкпекті5°С
  • Үржар9°С
444.16 487.29 5.4

«Әділет» партиясының кәсіпкерлікке арналған басымдықтары таныстырылды

Кеше, 15:50

Шағын және орта бизнестің дамуы – жаңа жұмыс орындары, тұрақты табыс және өңір экономикасының нығаюы. Осы бағыттағы басымдықтар «Әділет» партиясының Абай облысы бойынша сайлауалды бағдарламасын кәсіпкерлермен талқылау барысында айтылды.

Кездесу облыстық Кәсіпкерлер палатасының ұжымымен және шағын, орта бизнес өкілдерімен өтті. Жиында Марат Макишев, Роллан Ибраев, Эльзира Солтабаева, Ернар Тоқтаров, Сабыржан Букашев және Анжела Маслова партияның кәсіпкерлікті қолдау, ауыл шаруашылығын дамыту және жұмыспен қамту бағытындағы жоспарларын таныстырды.

«Кәсіпкерге қолайлы жағдай жасау – тек бизнесті дамыту емес, тұтас өңірдің әлеуетін арттыру. Кәсіпкер аяғына нық тұрып, өндірісін кеңейткен сайын жаңа жұмыс орындары ашылып, халықтың әл-ауқаты да жақсарады. Сондықтан қолдау нақты нәтижеге бағытталуы керек», – деді Марат Макишев.

Сайлауалды бағдарламада кәсіпкерлерге жеңілдетілген несие беру, 1 620 бизнес субъектісіне 12,6% мөлшерлеме бойынша субсидия ұсыну, әлеуметтік кәсіпкерліктің 16 субъектісіне грант беру және 18 мыңнан астам адамды жұмыспен қамту шараларына тарту көзделген.

Ауыл шаруашылығында «Ауыл аманаты» жобасы аясында 626 жеңілдетілген несие беруге жәрдемдесу, су үнемдеу технологияларын енгізу алаңын 88,2 мың гектарға дейін ұлғайту және өңделген өнім экспортының үлесін 70%-ға жеткізу жоспарланып отыр.

Кездесу қорытындысында кәсіпкерлермен өзара байланысты нығайтып, өңірдің экономикалық әлеуетін арттыру жолында бірлескен жұмысты жалғастырудың маңыздылығы атап өтілді.

Дайындады: «Әділет» партиясы Абай облыстық филиалының баспасөз қызметі.
 
Тапсырыс беруші: Ибраев А.М.
 
Абай облысы мәслихаты депутаттарының сайлауында партиялық тізімді ұсынған «Әділет» партиясы» ҚБ сайлау қорының қаражатынан төленді

 

Пікірлер (0)

Кликните на изображение чтобы обновить код, если он неразборчив