Абайлық әскери қызметшінің баласы халықаралық байқауда бас жүлдеге ие болды
Алматы қаласында өткен халықаралық «Тайжарыс-Талант» байқауынының жеңімпазын Абай гарнизонының әскери қызметшілері аса қуанышпен қарсы алды. Мөлдір Мейрамбаева бес жасынан ән айтып жүр. Өнер өлкесіне қанат басқан ол вокал аталымы бойынша бас жүлдені жеңіп алды. Жас өрен сайыстан үздік шығатынына сенімді болыпты.
Сегізінші сыныпта оқитын әнші қыз үй отағасын үлгі тұтады. Жарыстарға барар алдында әкесінен кеңес сұрайды екен. Әскери қызметкерлердің айтуынша Мөлдірдің әкесі де қызметінде өнерлі болмаса да, жауынгерлік әзірлігі жоғары деңгейде. Қойылған тапсырманы аса жауапкершілікпен орындайды екен.
Мөлдір бұл жетістігімен шектелетін емес. Оны алдағы уақытта шілде айында Астана қаласында өтетін аса ауқымды ән жобасы күтіп тұр. Қаршадай қыз маған сенім артқан әкемнің үмітін ақтаймын дейді.
Абай гарнизонының баспасөз қызметі