Қытайдағы универсиадада еліміздің мемлекеттік туы көтерілді

28-07-2023, 13:41 Думан Кенжеғазыұлы

Бүгін спортшылар қалашығында ХХХІ Дүниежүзілік жазғы студенттік ойындардың Мемлекеттік ту көтеру рәсімі өтті.

Байрақты бәсекеге еліміздің атынан қатысатын спортшыларға Ғылым және жоғары білім министрі Саясат Нұрбек арнайы бейне үндеу жолдап, қолдау көрсетті.

«Білімді, тәрбиелі әрі дені сау ұрпақ – мемлекеттің ең қымбат байлығы, асыл қазынасы. Жастарымыздың білім алумен қатар, олардың спортпен шұғылдануына қолайлы жағдай жасау – біздің министрліктің басты міндеттерінің бірі. Талантты студенттерімізді республикалық және халықаралық деңгейдегі байрақты бәсекелерге қатысуға барлық мүмкіндіктер қарастырылып келеді», – деді министр.

Сондай-ақ, ведомство басшысы спорттағы сәттілік тек еңбекпен және қажырлы күш-жігермен келетінін атап өтіп, жарысқа қатысушылар байрақты бәсекеде еліміздің даңқын шығаратынына сенім білдірді.

Айта кетейік, 27 шілдеде Қытайдың Сычуань провинциясының Чэнду қаласында XXXI Дүниежүзілік жазғы студенттік ойындар басталды. Спорттық шара 8 тамызға дейін жалғасады. Сайыста ел құрамасындағы 93 студент спорттың 11 түрі бойынша бақ сынамақ.

Универсиадаға қазақстандық делегацияны Ғылым және жоғары білім вице-министрі Талғат Ешенқұлов бастап барды.

Тағыда оқыңыз

Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Қазақстандық мектептердің 6,8 мың түлегі – «Алтын белгіге» үміткер Президент Қасым-Жомарт Тоқаев бірінші «Орталық Азия – Қытай» саммитіне қатысты Мемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзі Шәкәрім шаңырағы – Абай елінің рухани қара шаңырағы!

Бізге ақпарат жолдаңыз Телеграмдағы каналымыз

Қытайдағы универсиадада еліміздің мемлекеттік туы көтерілді

Пікірлер (0)