Бесқарағай ауданының әкімі Талғат Мұратов Жетіжар ауылында көктемгі су басу қауіпі бар орындарды аралап, су басу қауіпінің алдын алу бойынша тиісті шараларды жүргізуге бағытталған арнайы жоспар әзірлеп, күнделікті бақылау жүргізуді тапсырды. Қазіргі таңда жағдай тұрақты. Мамандар тарапынан бақылау күшейтілген. Айта кетейік, ауданның барлық елді мекендерінде қар шығару жұмыстары жүргізілуде. Шараға 10 техника және 13 адам жұмылдырылды. Көктемгі су тасқынының алдын алу жұмыстары күнделікті жүргізілуде.