Семейлік Ильяс пен Мансур Панамаға жолдама алды
Семей қаласындағы физика-математика бағытындағы Назарбаев Зияткерлік мектебінің 10 сынып оқушылары Ильяс Махатов пен Мансур Асылбеков робот құрастырушылардың әлемдік бәсекесінде бақ сынайды. «World Robot Olimpiad-2023» жарысы ағымдағы жылдың қараша айында Панама елінде өтеді деп жоспарланып отыр. Шәкірттеріміз бұл құрметке олимпиаданың республикалық кезеңінде көрсеткен жоғары нәтижелерінің арқасында ие болды.
- «Әлемді біріктіреміз» тақырыбында өткен жарысқа 1000 –ға жуық оқушы қатысты. Көршілес Тәжікстан Республикасынан 2 команданың келуі олимпиаданың қай деңгейде өткенін аңғартады. 2 күндік жарыстың қорытындысы бойынша Ильяс пен Мансурдан құралған «idk» командасы «RoboSports» санаты бойынша жүлделі ІІ орынға ие болды. Ел құрамасына алынған олар қазір халықаралық сынға дайындалып жатыр, -дейді оқушыларымыздың жетекшісі Мирас Оңдасынов.
Назарбаев Зияткерлік мектептері 2013 жылдан бері «World Robot Olimpiad» жарысын елімізде өткізудің ұлттық үйлестірушісі болып табылады. Ал, Панамада өтетін олимпиадаға әлемнің 90 –нан аса мемлекеті өз үміткерлерін жібермек.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚазақстан Республикасы мен Тәжікстан Республикасы арасындағы одақтастық өзара іс-қимыл туралы ДекларацияШәкәрім шаңырағы – Абай елінің рухани қара шаңырағы!Қазақстандық мектептердің 6,8 мың түлегі – «Алтын белгіге» үміткерNIS Қазақстанды әлемдік білім беру кеңістігіне интеграциялауда