Бұл туралы «Курчатов водоканал» МКК тарифтік сметаларының есептерін зерделеу барысында белгілі болды. Кәсіпорын 2022 жылы су шаруашылығы жүйесінің қызметтеріне арналған инвестициялық бағдарламада көзделген жалпы сомасы 4 млн. теңгеден асатын сорғы жабдығы мен тиекті арматураны ауыстыру жөніндегі баптарын орындамаған.

Нәтижесінде тұтынушыларға, оның ішінде 180 кәсіпкерге 2022 жылғы 6 ай бойы негізсіз көтерілген тарифтер бойынша төлем шоттары қойылып отырған. Бизнес өкілдеріне 2,6 млн. теңге артық есептелді.

Сыбайлас жемқорлыққа қарсы қызметтің ұсынысы бойынша Табиғи монополияларды реттеу комитетінің аумақтық департаменті 1 жылға уақытша өтемдік тариф белгіледі.