Депутаттар бірінші оқылымда бизнес жүргізу, қоғамдық бірлестіктер мәселелері бойынша заңнамалық түзетулерді, екінші оқылымда экспорттық-кредиттік агенттік және шикізаттық емес тауарлардың (жұмыстардың, көрсетілетін қызметтердің) экспортын ілгерілету мәселелері бойынша заңнамалық түзетулерді қарайды.

Мұнай және мұнай өнімдерін жеткізу саласындағы сауда-экономикалық ынтымақтастық туралы Ресеймен келісімге өзгерістер енгізілген хаттамаға қатысты ратификациялық заң жобасы да қаралатын болады. 

Бұдан басқа, Палата комитеттері жаңа заң жобаларын жұмысқа қабылдайды. Олар – білім беру және тәлімгерлік, байланыс, цифрландыру және ақпараттандыру саласының инвестициялық ахуалын арттыру мәселелері бойынша түзетулер, сондай-ақ бірқатар халықаралық келісімдерді ратификациялау туралы заң жобалары.

Тікелей көрсетілімді parlam.kz ресми сайттан және Мәжілістің Facebook парақшасы мен YouTube арнасынан көріңіздер.