Катонқарағай ауданында 2023 жылғы 14 ақпанда сағат 11:17-де жергілікті ауруханаға 1991 және 2003 жылы туған екі әйел түсіп, терапия бөлімшесіне жатқызылды. Белгілі болғандай, үйде өрт қауіпсіздігі талаптары бұзылған пеш болған, нәтижесінде уақытында тазаланбаған мұржаның салдарынан жану газдары (СО-2 көміртегі тотығы) шыққан.

Бұған дейін ШҚО ТЖД қызметкерлері осы мекенжай бойынша 2022 жылдың желтоқсанында нұсқау берген болатын. Өңірде құтқарушылар қауіпсіздік мақсатында және халыққа нұсқау беру үшін 168 000-нан астам үйді аралаған. Нәтижесінде жылыту жүйелерін тиісінше пайдаланбауға байланысты өрт қауіпсіздігі талаптарының 21 000 бұзушылығы тіркелді. ТЖ қызметі мамандарының уақтылы профилактикасы мен түсіндірулерінің арқасында бүгінгі күні пештердегі 7900-ден астам бұзушылықтар жойылды. Халықтың әлеуметтік осал топтары тұратын 2500 - ден астам үйде Департамент Жергілікті атқарушы органдармен және демеушілермен бірлесіп тұрғын үй-жайларда қауіпті газдың шоғырлануы туралы белгі беретін арнайы улы газ датчиктері құрылғыларын орнатты.