ҚР Ұлттық экономика министрі Әлібек Қуантыровтың қатысуымен «Бәйтерек» ұлттық басқарушы холдингі» АҚ Директорлар кеңесінің Стратегиялық жоспарлау комитетінің отырысы өтті.

Холдингтің Басқарма төрағасының орынбасары Әділ Мұхамеджанов 2023 жылдың 9 айындағы жұмыс туралы есеп берді. Микро, шағын және орта бизнеске елеулі қолдау көрсетіліп, Холдингтің еншілес компанияларының қаржы құралдары арқылы 18,1 мың жобаға шамамен 1 трлн теңге берілді. Бұдан басқа, агроөнеркәсіптік кешенді қолдауға 447 млрд теңге бөлінді, бұл соманы жыл соңына дейін жарты триллион теңгеге дейін ұлғайту жоспарланып отыр.

Сонымен қатар, Комитетке 2020-2023 жылдарға арналған республикалық бюджеттен және холдингтің 2024 жылға арналған бюджетінен бөлінген қаражаттың пайдаланылуы туралы ақпарат ұсынылды.

Сондай-ақ, отырыста холдингтің 2024-2026 жылдарға арналған цифрландыру стратегиясы қаралды, ол заманауи цифрлық технологияларды енгізу арқылы холдингтің қызмет көрсету сапасын жақсартуды және бизнес-процестерін оңтайландыруды көздейді. Сонымен бірге, Комитет Тұрақты даму жөніндегі 2024-2026 жылдарға арналған іс-шаралар жоспарын және Холдингтің 2024-2028 жылдарға арналған іс-шаралар жоспарын қарады.