Қазақстандық мектептердің жоғары жылдамдықты интернетпен қамтылуы 65%-ға жеткізілді

30-11-2023, 16:17 Думан Кенжеғазыұлы

Қазақстандық мектептерде интернет сапасын арттыру бойынша кешенді жұмыстар жүргізілуде. Жыл басында мектептердің 19% ғана талапқа сай болған болса, бүгінде 65%-да интернет жылдамдығы арттырылды, деп хабарлайды ҚР Оқу-ағарту министрлігі.

Вице-министр Айбат Ілиясов атап өткендей, осы жылы Оқу-ағарту министрлігі ЦДИАӨМ-мен бірлесіп мектептердегі интернет жылдамдығына қойылатын талаптарды бекітті.

«Барлық мектептер бойынша жоғары жылдамдықты интернетпен қамтамасыз ету және оқу үдерісінде цифрлық шешімдерді толық пайдалану үшін интернет желілеріне қосылу технологиясына инвентаризация жүргізілді. Нәтижесі бойынша Starlink технологиясына қосылу үшін интернет жылдамдығы төмен мектептердің тізімі жасалды. Пилоттық жоба аясында 2024 жылдың маусымына дейін бұл мектептерді Starlink технологиясына кезең-кезеңімен қосу жоспарлануда», – дейді Оқу-ағарту вице-министрі.

Алматы, Ақмола және Қарағанды облыстарындағы 10 ауыл мектебі пилот ретінде Starlink технологиясына қосылды. Егер бұрын олардағы интернет жылдамдығы 4 Мбит/с аспайтын болса, енді жылдамдық 150 Мбит/с дейін жетті.

2024 жылдың маусымына дейін 2000 мектепті SpaceX интернетіне қосу жоспарлануда. Мектептердің негізгі үлесі Түркістан, Ақмола және Қостанай облыстарында.

Тағыда оқыңыз

Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Қазақстандық ЖЭО-лардың қоймаларында 4 млн тонна көмір және 85 мың тонна мазут жиналған Қазақстанда білім беру ұйымдары бейнебақылау жүйелерімен 100% қамтамасыз етілген Үкіметте Қазақстан өңірлерінің су тасқынына дайындығы қаралды Апаттық және үш ауысыммен оқытатын мектептер мәселесі шешілуде

Бізге ақпарат жолдаңыз Телеграмдағы каналымыз

Қазақстандық мектептердің жоғары жылдамдықты интернетпен қамтылуы 65%-ға жеткізілді

Пікірлер (0)