Күні кеше Абай атындағы облыстық әмбебап кітапханада фэнтези жанрында жазылған «Бәйтерекке жол» атты кітап халық назарына ұсынылды,- деп хабарлайды 018.kz тілшісі.

Кітаптың автор белгілі журналист - Айман Шәріпханова. 

Айта кетейік, замануи қазақ әдебиетінде бұл жанрда кітап тұрмақ, әңгімелер өте сирек кездеседі. Содан болар, оқырмандардың таңдауы шетелдік әдебиетке түседі. Осы жайтты ескере отырып, Айман Шәріпханова ерекше роман жазуға бел буды. 

Шығарма желісінде мейірімділік пен зұлымдыққа қатысты оқиғалар суреттеледі. Романда дәстүрлі шығармаларда кездесетін қазақ батырлары, Жезтырнақ, Албасты кемпір сынды кейіпкерлер кездеседі. 

Сондай-ақ, халық жадынан шығып бара жатқан дәстүрлер кітап беттерінде ерекше бояу беріп жарық көрді.

Алдағы уақытта автор жас көрермен назарын аудару үшін кітап дизайнын жаңартуды көздеп отыр.

Наргиз АЙДЫН