Ұлттық ұлан сарбаздары несие төлеуден босатылды
Ұлттық ұлан сарбаздары несие төлеуден уақытша босатылады. Өткен жылдың желтоқсан айында Қорғаныс министрлігі мен Қаржы нарығын реттеу және дамыту агенттігімен сарбаздарға «несиелік демалыс» беру туралы меморандумға қол қойылды. Осыған орай, «Шығыс» өңірлік қолбасшылығына қарасты 5518 әскери бөлімінің заңгерлері кредиттік ұйымдарға барып, сарбаздардың несиесін шегеру жұмыстарын жүргізді.
- Өкінішке орай, жас жігіттер әскерге дейін «ер жігіттің мойнында қыл арқан шірімейдіге» салып, несие үстінен несие ала берген. Әсіресе, микроқаржы ұйымдарынан ақша алғандардың саны басым. Егер оларды уақытша тоқтатпаса, берешек те күн санап өсіп, несие тарихына да нұқсан келмек. Сондықтан азаматтық борышын өтеуге келген жүз шақты борышкер-сарбаз әскери бөлім заңгерлерімен бірге банк бөлімшесіне барып, несие төлемдерін уақытша тоқтату туралы өтініш қалдырды, - дейді 5518 әскери бөлімі командирінің орынбасары майор Серік Ноғаев.
Еске салайық, бұдан былай сарбаздар әскердегі 1 жыл қызметі барысында банктер тарапынан несиелік берешекті өндіріп алу үшін борышкерлерді сотқа беруін уақытша тоқтатады. Мерзімді әскери қызметшілер азаматтық борышын өтеп келгеннен кейін ғана несиесін өтеуді жалғастырады.
«Шығыс» өңірлік қолбасшылығының баспасөз қызметі
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚазақстанда қарыз алушылардың құқықтарын қорғауды күшейту бойынша заңнамалық түзетулер пысықталудаКредиттер бойынша мерзімі өткен берешекті қалай реттеуге боладыҚазақстандық мектептердің 6,8 мың түлегі – «Алтын белгіге» үміткерМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі