Қазақстанның өңірлеріндегі ақпараттық технологиялардың белсенді дамуын IT-саланың кең спектрін қамтитын маңызды іс-шаралар арқылы байқауға болады. Олардың ішінен елдің  түрлі аймақтарында өткізілетін хакатондарды, олимпиадаларды, Pizza Pitch пен форумдарды айрықша атап өтуге болады.

Сондай-ақ, өңірлік IT-хабтар No Code/Low Code, Freelance School, Startup Academy, Beta Career курстары сияқты білім беру және инкубациялық жобаларды белсенді түрде ілгерілетуде. Бұл бағдарламалар мектеп оқушылары мен студенттер арасында кеңінен танылды.  

Astana Hub Digital Nomads-пен бірлесіп, дүниежүзінің жетекші IT-мамандарының қатысуымен оқушылар мен студенттерге арналған ай сайынғы тегін онлайн вебинарларды ұйымдастырады. Бұл іс-шаралар қатысушылардың ақпараттық технологиялар саласындағы білімі мен дағдыларын кеңейтуге бағытталған.

Қазақстанның өңірлерінде IT-саланы дамытудың маңызды кезеңі Google Developers Group-пен (GDG)  өзара серіктестік болды. GDG-мен ынтымақтастық озық технологиялар мен тәжірибелерге қол жеткізуді қамтамасыз етеді және әзірлемелер бойынша өңірлік IT-хабтар мен әлемдік көшбасшылар арасында тәжірибе алмасуға ықпал етеді. 

Қазіргі уақытта еліміздің 5 өңірінде Google мен BNB Chain-нің спикерлерінің қатысуымен халықаралық IT-форумдар сәтті ұйымдастырылды. Тараз, Қызылорда, Петропавл, Түркістан және Семей қалаларында өткізілген форумдар жергілікті IT-мамандардың ғана емес, бірегей жобалар бойынша жұмыс істейтін инновациялық стартаптар өкілдерінің де назарын аударды. 

Семей қаласында 1500-ден астам қатысушы мен IT-индустрияның жетекші мамандарын жинаған форум жоғары деңгейде ұйымдастырылуымен ерекшеленді. Форум аясында стартаптарды, IT-компанияларды және Steam бойынша мектеп жобаларын қамтыған арнайы зоналар қатысушыларға өзара әрекеттесу мен тәжірибе алмасуға мүмкіндік берді. Жеңімпаздарды бағалы сыйлықтармен марапаттау іс-шараның маңызын арттырды.

Осылайша, өңірлік IT-бастамаларды қолдауға бағытталған белсенді іс-шаралар мен серіктестіктер жастардың ақпараттық технологияларға деген қызығушылығының артуына ықпал етіп қана қоймайды, сонымен қатар, осы саланы дамыту үшін қолайлы ортаны қалыптастырудың маңызды тетігін айқындай түседі.