«Қазақстанда креативтер үшін салық салу жеңілдетілді. Бұл біздің еліміздегі креативті индустрияның ауқымды дамуына жасалған үлкен және маңызды қадам. Біз әлемдік алпауыттардың шығармашылық саласындағы тәжірибесін мұқият зерттедік және қолдаудың маңызды шараларының бірі креативті экономикаға төмен мөлшерде салық салу екенін атап өттік. Енді біз өз елімізде осындай шаралардың енгізілгенін ресми түрде жариялай аламыз. Енді бизнес КТС, ЖТС және ҚҚС төлеуден босатылады. ЖК үшін 2% - дан 4% - ға дейін, ЖШС үшін 8% - ға дейін бірыңғай салық түрінде жеңілдетілген салық салу енгізіледі. Бұл шараны жылдық айналымы 2,2 млрд теңгеден аспайтын, ал штатта 200 адамнан аспайтын компаниялар пайдалана алады. Шығармашылық қызмет саласында жұмыс істейтіндердің барлығы, атап айтқанда кино, бейне контент және телевизиялық бағдарламалар, музыкалық шығармаларды жазу және басып шығару, театр және мұражай өнері, сәулет және дизайн, қолөнер, халық шығармашылығы және кәдесый өнімдерін өндіру-бұл шара Сіз үшін!», - деді ол.