Көкпекті ауданында егін шаруашылығы саласында соңғы технологиялар қолданылуда

22-02-2023, 15:00 Думан Кенжеғазыұлы

️Бұл туралы аудан әкімі Ділдәбек Оразбаев Абай өңірлік коммуникациялар қызметінде өткен баспасөз мәжілісінде айтып берді.

Аудан әкімінің айтуынша, 2022 жылы Көкпекті ауданында 86 901 гектар егістік жер игерілді. Оның ішінде 56 мың гектар жерге дәнді дақылдар, 31 гектар жерге майлы дәнді дақылдар егіліп, орта есеппен гектарына 10 -11 центнерден өнім алынған.

- Былтыр жауын-шашынның аздығына және ауа-райының қолайсыздығына байланысты, орта есеппен гектарына 10 центнерден өнім алдық. Өткен жылы атмосфералық ылғал 350 мм-ді құраса, биыл 500-600 мм болады деп күтілуде. Сол себепті биыл өнім көлемі жоғары болады деп жоспарлап отырмыз. Ауданда күнбағыс өсіру жақсы дамыған. 31 мың гектар жерге күнбағыс егілуде,- деді аудан әкімі Ділдәбек Оразбаев.

Аудан әкімінің айтуынша, Көкпектіде егін шаруашылығы саласында соңғы технологиялар қолданылуда.

- Өзім осы саланың маманы болғаннан кейін жаңа технологияларды өндіріске енгізуге мән беремін. Әзірше Көкпекті ауданында егін шаруашылығы саласында нөлдік технологияны қолданып жатқандар саусақпен санарлық. Бірақ өз нәтижесін беруде. Бұл технология шығындарды азайтып, өнімнің өзіндік құнын төмендетеді. Биылғы жылы тағы бірнеше шаруа қожалықтарына енгіземіз. Сонымен қатар жоғары сортты, элиталы, супер элиталы тұқымдарды егу бойынша жұмыстар жүргіземіз. Қазірдің өзінде супер элиталы тұқымдар сатып алынды, – деді аудан әкімі.

Ділдәбек Оразбаев сондай-ақ интенсивті технологияны қолданып, аз жерден көп өнім алуға көшуді қолға алатынын жеткізді.

Көкпекті ауданында 3000 га жерді жаңбырлатып суару жоспарлануда. Оның ішінде биыл «Елім-ай» ЖШС-де 1000 га жер жаңбырлатып суарылады.

- «Елім-ай» ЖШС-де 12 жаңбырлатып суару машинасы алынып, іске қосылды. Қожалық тағы 10 жаңбырлатып суғару машиналарын орнатуды жоспарлауда. Сонымен қатар осы жылы «Өрнек» ЖШС-де 6 жаңбырлатып суғару машинасы қойылады. Жоспарымыз жүзеге асса дақылдардан, шөптен мол өнім алынып, бағасы арзандайтын болады,- деді Д.Оразбаев.

Сонымен қатар осы жылдан бастап Көкпекті ауданында жайып суғару (лиманное орошение) әдісі қолданылмақ. Аудан бойынша бұл әдіспен 21 830 гектар жер суару көзделіп отыр.

Тағыда оқыңыз

Шәкәрім шаңырағы – Абай елінің рухани қара шаңырағы!АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ Су тасқыны жағдайы туралы брифинг өтті ШҚО кәсіпорындары елдің күнбағыс майына деген қажеттілігін жабуға дайын Мемлекет басшысы аграрлық бизнес өкілдерімен кездесті

Бізге ақпарат жолдаңыз Телеграмдағы каналымыз

Көкпекті ауданында егін шаруашылығы саласында соңғы технологиялар қолданылуда

Пікірлер (0)