Руслан Рүстемов Ресейдегі президенттік сайлауға ҰҚШҰ ПА байқаушысы ретінде қатысты
ҚР Парламенті Сенатының депутаты Руслан Рүстемов Ресей Федерациясындағы президенттік сайлауға ҰҚШҰ Парламенттік Ассамблеясынан байқаушы ретінде қатысты.
Сенатор басқа елдердің әріптестерімен бірге Мәскеудегі бірнеше сайлау учаскелерінде болды. Сондай-ақ Федералдық Жиналыс Федерациясы Кеңесі Төрағасының орынбасары Константин Косачевпен, Мемлекеттік Думаның Төрағасы Вячеслав Володинмен және Орталық сайлау комиссиясының төрағасы Элла Памфиловамен кездесті. Сенатор сайлаудың жоғары деңгейде ұйымдастырылғанын және процестің ашық өткенін атап өте келіп, оң баға берді.
«Біз байқау жүргізген сайлау учаскелерінде дауыс беру процесі қалыпты жағдайда өтті. Барлығы тиісті деңгейде ұйымдастырылғанына куә болдық. Сайлау органдары азаматтардың дауыс беру құқығын қамтамасыз етті. Мүмкіндігі шектеулі азаматтардың дауыс беруіне де жағдай жасалды. Еріктілердің белсенділігін де атап өткен жөн. Біз қызметімен танысқан және жұмысына байқау жүргізген барлық сайлау учаскелерінде сайлау процесі Ресей Федерациясының заңнамасына сәйкес жүргізілді», - деді Руслан Рүстемов.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚазақстан Республикасының Президенті мен Ресей Федерациясы Президентінің бірлескен мәлімдемесіМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі