Жобалық басқару арқылы сыбайлас жемқорлықты жою
Ағымдағы жылдың 23 ақпанында Агенттік Төрағасының бірінші орынбасары Дмитрий Малахов орталық мемлекеттік және жергілікті атқарушы органдар аппараттарының басшыларымен №4 «Сыбайлас жемқорлықтың алдын алу және оған қарсы іс-қимыл» үлгілік базалық бағытын іске асыру қорытындыларын талқылап, 2023 жылға арналған жобалар картасын таныстырды.
Жобалық басқару қойылған міндеттерді шешудің оңтайлы тәсілін іздеу мақсатында жобалық кеңселердің мемлекеттік органдармен және ұйымдармен бірлескен ынтымақтастығын көздейді.
Кеңес барысында Агенттіктің Превенция қызметінің басшысы Саян Ахметжанов мемлекеттік органдардың өздік жұмысының тиімді нәтижелерін айтты:
Жобаларды іске асыру барысында бірқатар квазимемлекеттік сектор субъектілерінде басшылық сыбайлас жемқорлыққа қарсы комплаенс-қызметтердің жұмысына кедергі келтіретіні анықталды. Аппарат басшыларына комплаенс-қызметтердің қызметіне мұндай араласуға және мұндай қызметке кедергі келтіруге жол берілмейтіндігі көрсетілген.
Агенттіктің алдын алу қызметі басшысының орынбасары Жігер Байділдин 2023 жылға арналған жобалар картасы аясында сыбайлас жемқорлықтың алдын алу және оған қарсы іс-қимыл жөніндегі міндеттерді ұсынды.
Кеңес соңында Төрағаның бірінші орынбасары Дмитрий Малахов мемлекеттік аппаратта айналадағы жағдайды өзгертуге дайын көптеген ынталы адамдар бар екенін атап өтті.