ҚР СІМ басшысы дипломатиялық корпусқа ауызашар өткізді
Астана, 2024 жылғы 2 сәуір – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу елімізде аккредиттелген дипломатиялық миссиялардың және халықаралық ұйымдар өкілдіктерінің басшыларына ауызашар өткізді.
Министр іс-шара қонақтарына шақыруды қабыл алғаны үшін ризашылығын білдіріп, барлығын қасиетті Рамазан айымен құттықтады.
«Ортақ мәдени және рухани құндылықтарымыз, сондай-ақ өңірлік және жаһандық маңызы бар көптеген өзекті мәселелер бойынша ұстанымдарымыз сәйкес келетінін ескере отырып, мұсылман әлемімен тығыз байланыстар – сыртқы саясатымыздың маңызды басымдықтарының бірі», – деп мәлімдеді М.Нұртілеу.
Шетелдік дипломаттар ауызашарды ұйымдастырғаны үшін алғыс айтып, Қазақстанмен жан-жақты қарым-қатынасты одан әрі дамытуға дайын екенін білдірді.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚазақстан Республикасының Президенті мен Ресей Федерациясы Президентінің бірлескен мәлімдемесіҚазақстан мен Ресей арасындағы ынтымақтастықтың тарихы бай және болашағы жарқын