WhatsApp мессенджерінде ішек аурулары туралы жалған ақпарат тарады
«Ертіс өзеніне су басқан ауылдардан тасқын су құйылып жатыр. Су астында зираттар мен мал қорымдары қалды, қалада ішек аурулары жиілеп кетті. Сондықтан құбыр суын ішпеңіз, тіпті бұл сумен тістеріңізді тазалай алмайсыздар. Тек қайнаған су ішіңіз. Суды кем дегенде 10 минут қайнату керек», - делінген хабарламада.
Алайда, Абай облысының әкімдігі бұл ақпараттың еш шындыққа жанаспайтындығын хабарлайды.
Абай облысының санитариялық-эпидемиологиялық бақылау департаментінің ақпаратына сәйкес, облыста жіті ішек инфекциясының жағдайы тұрақты. Сырқаттанушылықтың өсуі тіркелмеген, ауыз судың сапасына тұрақты зертханалық бақылау жүргізіледі. Жыл басынан бері барлығы микробиологиялық зерттеулерге 65 сынама және санитарлық-химиялық зерттеулерге 65 сынама алынды. Су тасқыны кезеңдеріне байланысты тиісті гигиеналық нормативтердің теріс сынамалары табылған жоқ.
Тек ресми дереккөздерге сенулеріңізді сұраймыз!
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҮкіметте Қазақстан өңірлерінің су тасқынына дайындығы қаралдыМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: Біз озық ойлы ұлт ретінде тек қана алға қарауымыз керекЭкология министрі Зүлфия Сүлейменова Астанадағы су тапшылығын шешу жолдарын айтты