Әбілқас Сағынов атындағы Қарағанды политехникалық университетінің әскери кафедрасы әскери-патриоттық жұмыс айлығы аясында оқушыларға есігін айқара ашты.

Нұркен Әбдіров атындағы мектептің 5-ші сынып оқушылары әскери кафедраның оқу-материалдық базасымен, әскери техникасымен және қару-жарақ үлгілерімен танысты.

Балалар ұйымдастырушыларға танымдық экскурсия үшін алғыстарын білдірді. Бронды машиналар мен артиллериялық жүйелер олардың ерекше қызығушылығын тудырды.

Подполковник Алмас Нұғманов қазіргі уақытта курсанттар үш цикл – "артиллерияны ұрыста қолдану", "танк бөлімшелерін жауынгерлік қолдану" және "арнайы әскерлерді жауынгерлік қолдану" бойынша оқитынын түсіндіріп берді.

Политехникалық университеттің әскери кафедрасына түсу үшін құжаттарды қабылдау 20 мамырдан басталады. Оқу офицерлерді дайындау бойынша тоғыз және сержанттарды даярлау үшін алты әскери-есептік мамандық бойынша жүзеге асырылады.