Шаруа қожалықтарында 2601 трактор, 785 соқа, 28 жалпақ кескіш, 236 культиватор, 25 жер қопсытқыш, 1748 тырма және 486 тұқым сепкіш бар. Барлық ауылшаруашылық техникасы көктемгі егіс жұмыстарына кірісуге әзір.

Аудан бойынша 2024 жылы 109 265 гектарға (күзде әрі ерте көктеде жыртылған 62,5 мың гектар жер, 4 363 гектар күздік бидайға және42402 гектар өткен жылғы көпжылдық шөптерге) ылғал жабу жоспарлануда. Қазіргі уақытта 54 441 гектар аумақта жұмыстар жүргізілді.

2024 жылғы көктемгі егістің жоспарланған көлемін орындау үшін 8751 тонна дәнді дақыл тұқымы бар. Қазіргі таңда «ҚазАгрЭкс» зертханасы тұқым сапасына қайта тексеру жүргізуде. Мәселен, жіберілген 8512 тонна астықтың (97%) 3 202 тоннасы тексерілді, олар кондиционды болып табылады, оның ішінде 930 тонна – 1 класты, 2272 тонна – 2 класты.

Қазіргі уақытта ауыл шаруашылығы құрылымдары 2078 тонна минералды тыңайтқыштарға келісім-шарттар жасасты, оның ішінде ауданға 1 078 тоннасы жеткізілді. Сондай-ақ, мекемелермен арамшөптермен күресу үшін 6500 литр гербицидтер сатып алу туралы келісім жасалды. Бүгінгі күні жұмыс жалғасуда.