А.ж. 24 ақпандағы жағдай бойынша Конституциялық Сотқа азаматтардан бір жарым мыңдай өтініш келіп түсті.

Оларға анализ жасау барысында мыңнан аса өтінішке түсіндірмелермен жауаптар жолданып, 400-дейі қарастырылып жатқаны анықталды.

Өтініш берушілердің көбінесе соттардың шешімдерімен келіспеу - 49%-ы, 23%-ы нормативтік құқықтық актілерді немесе олардың жекелеген ережелерін конституциялық емес деп тану, 3%-ы ақпаратқа қол жеткізу, 2,5%-ы еңбек және зейнетақымен қамсыздандыру, 1,7%-ы қылмыстық-атқару жүйесі және өзге де мәселелер бойынша жүгінгені көрінеді.

Конституциялық іс жүргізуге 9 өтініш қабылданды, 22 ақпанда бір өтінішті қарау қорытындысы бойынша Нормативтік қаулы шықты. Қазіргі уақытта судьялардың алдын ала зерделеуінде 27 өтініш бар.

 Ең көп өтініш Астана және Алматы қалаларының, Қостанай, Солтүстік Қазақстан және Жамбыл облыстарының тұрғындарынан келіп түскен.