Еліміздің көлік саласының мамандары табиғи апаттан зардап шеккендерге көмек көрсету және су тасқынының салдарларымен күресу мақсатында жедел шараларды қолға алды. Көліктің барлық түрінің іс-қимылын үйлестіру үшін жедел штаб құрылып, жолаушыларды, түрлі техниканы, гуманитарлық жүктерді тасымалдау бойынша жұмыстар ұйымдастырылды. 

Автожол саласы

•  Су тасқыны кезеңінде жол қызметі орталық және жергілікті деңгейлерде жедел штаб құрумен күшейтілген жұмыс режиміне ауыстырылды.
•  Жолшылар тәулік ішінде 4 көпірде қалпына келтіру жұмыстарын жүргізді, өз күштерімен 33 км жолдың қозғалысы қалпына келтірілді,
•  Солтүстік, батыс өңірлерге еліміздің 15 өңірінен мыңнан астам жолшы мен 1,5 мың бірлік жол-құрылыс техникасы жұмылдырылды.
•  Жол қызметтері еріген суды өткізу үшін 4 облыста 9 учаскеде жолды жасанды түрде бұзу бойынша мәжбүрлі шаралар қабылдады.

Авиация

•  Қазақстандық әуе компаниялары 51 қосымша рейс орындап, Атырау қаласынан 9 мыңнан астам жолаушы тасымалдады.
•  12 сәуірден 20 сәуірге дейін тасымалдаушылар Атырау қаласынан жалпы сыйымдылығы 14 217 орындық 76 қосымша рейс жоспарлаған.
•  Қазақстандық авиакомпаниялар 1,1 млрд теңге гуманитарлық көмек бөлді, әуе компаниялар 100 тоннадан астам гуманитарлық жүк жеткізді.
•  Атырау-Астана және Атырау-Алматы маршруттарында эконом-класс билеттерінің ең жоғары құны 40 мың теңгеге дейін (балаларға арналған билеттер осы тарифтен 50% жеңілдікпен) төмендетілді.

Теміржол көлігі                     

•   Эвакуация кезеңінде «Атырау-Құлсары-Маңғыстау» бағыттары бойынша 12,5 мың жолаушы тегін тасымалданды, қосымша 14 жолаушы вагоны бөлінді.
•   Сұраныстың артуына байланысты батыс өңірлерден Қызылорда, Қарағанды, Алматы және Астана бағытында қосымша маршруттар мен тіркеме вагондар ұйымдастырылды, 4,5 мың жолаушы тасымалданды.
•  500 баланы емдеу-сауықтыру орталықтары мен лагерьлерге тасымалдау қамтамасыз етіледі.
•  Жүктерді жоғары жылдамдықпен және тегін негізде жеткізген мыңнан астам ауыр техниканы тасымалдау үшін 700-ге жуық теміржол платформасы бөлінді. Халыққа көмек көрсету үшін ҚР ТЖМ жеке құрамының 4,5 мыңға жуық адамы тасымалданды.
•  Инертті материалдарды тасымалдау, понтондық (құрама) көпірлерді солтүстік-батыс өңірлерге қалпына келтіру жұмыстарына жеткізу жалғасуда.

Автокөлік

«Құлсары-Доссор» республикалық трассасы учаскесін су басуына байланысты өзбек тарапымен Құлсары маңында тұрып қалған фурларды өткізу туралы келіссөздер жүргізілді. Маңғыстау және Түркістан облыстарындағы «Тәжен» және «Қонысбаев» өткізу пункттерінен Өзбекстан Республикасының аумағы арқылы қазақстандық автокөлік құралдарының транзитпен өтуінің оңайлатылған тәртібі туралы мәселе пысықталды.

Көлік саласының мамандары зардап шеккен өңірлер мен азаматтарға қажетті көмек көрсетуді жалғастырады, сондай-ақ бүлінген инфрақұрылымды қалпына келтіру жөніндегі жұмыстарға тікелей қатысады.