Бүгін Абай облысының мәдениет, тілдерді дамыту және мұрағат басқармасының қолдауымен Семей қаласының облыстық тарихи-өлкетану мұражайы ұйымдастыруымен өткен "Болашақ өлкетанушы" облыстық ғылыми-зерттеу жұмыстары байқауының соңғы кезеңі аяқталды. Өз өңірінің тарихы мен мәдениетіне қызығушылық танытқан жас зерттеушілердің назарын аудартқан байқаудың бас жүлдесі Shakarim University білім гранты болды.

Қатысушылардың зерттеулерін жоғары білікті қазылар алқасы түпнұсқалығы, әдістемелік қатаңдығы және өлкетану ғылымына қосқан үлесі үшін бағалады. Байқау «Абай облысының археологиясы», «Абай облысының тарихи географиясы және топонимикасы», «Туған өлкенің киелі орындары», Семей өңірінің ежелгі ескерткіштері» мен «Семей өңірінің тарихи және сәулет ескерткіштері», «Көрнекті жерлестер», «Алаш қозғалысы», «Семей өңірінің тарихы мен мәдениеті» секілді тақырыптық бағыттарды қамтыды.

Айта кетерлігі, Shakarim University Абай өңірінің дарынды жастарын анықтауда белсенді түрде қолдау көрсетіп, өңірдегі болашақ көшбасшылар мен мамандарды даярлауда өз үлесін қосуда. Байқау нәтижесі бойынша бас жүлдені Көкпекті ауданының Үлкенбөкен орта мектебінің оқушысы Данияр Зейнолла иеленді. Сондай-ақ, жүлделі орындарға келесі қатысушылар ие болды:

1 орын - Қалбатау ауылы «Маяковский атындағы орта мектебі» КММ Марал Зекен;

2 орын - Аягөз ауд.,Шынқожа ауылы, «Шынқожа батыр атындағы жалпы орта білім беретін мектебі» КММ Балжан Омарова мен № 15 ЖОББМ КММ Айзада Шарипова;

3 орын - Бородулиха ауданы Дмитриевка ауылының "Ыбырай Алтынсарин атындағы орта мектеп" КММ Валерия Перевозчикова мен Шар қаласы «Абай атындағы мектеп- балабақша кешені» КММ Бақыт Омарбекова.

Байқау жастардың мәдени мұраларын зерттеуге деген қызығушылықтарының артқандығын көрсетеді. Грантқа ие болған жеңімпаз Данияр Зейнолла ұйымдастырушыларға мүмкіндік бергені үшін алғысын білдіріп, бұл тәжірибе кәсіби дамуындағы маңызды қадам екенін баса айтты. Shakarim University жас зерттеушілерінің қолдауы Абай облысын мәдени және ғылыми байытуда маңызды рөл атқарады. Оқу ордасы академиялық артықшылық пен білім берудің инновациялық тәсілінің орталығы ретіндегі беделін тағы бір мәрте растады.