1991 жылдан бері Қазақстанда 9578 жетім және ата-анасының қамқорлығынсыз қалған бала жалға берілетін баспанамен қамтамасыз етілген. Өнеркәсіп және құрылыс министрлігі, Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаевтың айтуынша, 2019 жылдан бері «Отбасы Банкі» АҚ арқылы 348 жетім бала 2% және 5% мөлшерлемемен жеңілдетілген несие алған.

Бүгінде жергілікті атқарушы органдарда тұрғын үй кезегінде 650 мыңнан астам адам тұр, оның ішінде 62 мың жетім және ата-анасының қамқорлығынсыз қалған балалар. «АМАНАТ» партиясы жанындағы Республикалық отбасы және халықты әлеуметтік қорғау кеңесінің отырысында балалар үйінің түлектеріне шаршы метрді қалай беру керектігі талқыланды.

«Бақытты шаңырақ» қорының жетекшісі Ботагөз Сұлтанова баспана алуға құқығы бар азаматтардың санатын кеңейтуге асықпаудың қажеті жоқ деп есептейді.

Отырыс қорытындысы бойынша кеңес мүшелері орталық және жергілікті мемлекеттік органдарға бірқатар ұсынымдар қабылдады, соның ішінде: жетім балаларды кезекке қоюға талдау жүргізу, облыс әкімдіктерінің тұрғын үй қорына мониторинг жүргізу және тұрғын үймен қамтамасыз етудің баламалы мүмкіндіктерін қарастыру.