Семейде «Еңбекші жастар - 2023» фестивалі өтті
Семей қалалық мәдениет сарайында жастар ресурстық орталығының ұйымдастыруымен «Еңбекші жастар - 2023» фестивалінің қорытынды кеші өтті.
Кеш барысында 8 кәсіпорын мен мекеме қала әкімінің алғыс хатымен марапатталып, өнерлі жастардың концерттік бағдарламасын тамашалады.
«Шараның мақсаты түрлі салада қызмет етіп жүрген жастардың белсенділіктерін арттыру, бос уақытын тиімді ұйымдастыру болып табылады. Сондай-ақ жұмысшы жастардың қоғамдағы рөлін айшықтап, мәртебесін арттыру. Адал еңбек етіп жүрген жастарды өзгелерге үлгі ретінде насихаттау», - дейді жергілікті жастар ресурстық орталығы директорының м.а. Е. Өрлеубек.
Айта кетейік, Мемлекет басшысы 2022 жылдың 1 қыркүйегіндегі жолдауында еліміздегі еңбекқор адам мен кәсіби маман жоғары бағалануы тиіс деген болатын.
Тағыда оқыңыз