Сенатта жер қатынастары саласындағы мемлекеттік қызметтерді цифрландыру туралы заң жобасы талқыланды
Сенаттың Аграрлық мәселелер, табиғатты пайдалану және ауылдық аумақтарды дамыту комитетінің депутаттары кеңейтілген отырыста жер учаскелеріне құқық берудің мемлекеттік қызметтерін цифрландыруға қатысты заң жобасын талқылады.
«Қазақстан Республикасының кейбір заңнамалық актілеріне жылжымайтын мүліктің бірыңғай мемлекеттік кадастры шеңберінде мемлекеттік көрсетілетін қызметтерді цифрландыру мәселелері бойынша өзгерістер мен толықтырулар енгізу туралы» заң жобасының негізгі мақсаты – көрсетілетін мемлекеттік қызметтерді цифрландыру жолымен жер учаскелеріне құқықтар берудің ашықтығы мен оңтайлы болуын қамтамасыз ету болып табылады.
Заң жобасында цифрлық ақпаратты көрсете отырып, жария кадастрлық карта бойынша «Электрондық Үкіметтің» веб-порталы арқылы жерге тиісті құқық беру, қалалық елді мекендердегі жер учаскесі мен жылжымайтын мүлік объектісіне сәйкестендіру құжаттарын бір «жылжымайтын мүлік объектісінің кадастрлық паспортына» біріктіру ұсынылған.
Сенаторлар комитеттің кеңейтілген отырысының қорытындысы бойынша заң жобасын Палатаның қарауына жіберу туралы шешім қабылдады.
Суретті түсірген: Б.Серікбай
Тағыда оқыңыз
Үкіметте Қазақстан өңірлерінің су тасқынына дайындығы қаралдыШәкәрім шаңырағы – Абай елінің рухани қара шаңырағы!2023 жылғы жалпы егіс алқаптарының көлемі 23,4 млн гектарды құрайдыТ. Дүйсенова сенаторларға Әлеуметтік кодекстің жобасын таныстырдыПартиялық тізімдерді тіркеудің, жеребе тартудың, шетелдік байқаушыларды аккредиттеудің және сайлау алдындағы үгіттің қорытындылары туралы