Абай облысының әкімі Нұрлан Ұранхаев Алматы қаласы мәслихатының депутаттарымен кездесті. Іс-шараға облыс мәслихатының төрағасы Қуаныш Сүлейменов, депутаттар мен БАҚ өкілдері қатысты.

Кездесу барысында өңір басшысы Семей қаласының тарихы мен өзіндік ерекшеліктеріне тоқталып, облыс құрылғаннан бергі жетістіктер туралы айтып берді. Сонымен қатар, инфрақұрылым, білім беру және денсаулық сақтауды дамытудың, өңірдің тұрақты экономикалық өсуі үшін инвестициялар тартудың маңыздылығын атап өтті.

Өз кезегінде Алматы қаласы мәслихатының төрағасы Мейіржан Отыншиев облыс әкіміне қонақжайлық танытқаны үшін алғысын білдіріп, Семейден алған әсерімен бөлісті.

Кездесу аясында Алматы қаласы мен Абай облысының мәслихаттары арасында ынтымақтастық туралы меморандумға қол қойылды. Бұл құжат тәжірибе алмасуға, өзара түсіністікті нығайтуға, мәслихаттар жұмысының тиімділігін арттыруға, болашақта бірлескен жобаларды іске асыруға бағытталған.