«Үржарайым» сауықтыру лагері салтанатты түрде ашылды. Абай, Бесқарағай, Бородулиха және Үржар аудандарынан 120 бала «Қазақстан халқына» қоғамдық қорының жолдамасы бойынша демалысқа қабылданды.

Лагерьде балаларға барлық жағдай жасалған. Онда 11 мен 14 жас аралығындағы балаларды қабылдайды. Алты маусым жұмыс істейді. Әр маусым ұзақтығы - 10 күн.

Лагерь бағдарламасына спорттық және зияткерлік іс-шаралар кіреді: үйірмелер мен секциялар, футбол, волейбол, теннис, тренинг ойындары, түрлі конкурстар, КТК, флешмобтар, тиктокерлерге арналған жарыстар және үздік топтық байқаулар.

Еске сала кетейік, «Үржарайым» лагері балаларға пайдалы және белсенді демалыс үшін мүмкіндіктер ұсынып, олардың жан-жақты дамуы мен сауығуына ықпал етеді. Өткен жылы лагерьге 700-ден астам бала қабылданған.