Абай облысының компаниялары VIII «Қытай-Еуразия» EXPO халықаралық көрмесіне қатысты.

Көрмедегі Қазақстанның ұлттық павильонында «QAZAQ-ASTYQ GROUP» ЖШС өнімдері ұсынылды. Бұл күнбағыс тұқымын өңдейтін Қазақстандағы ең ірі кәсіпорынның бірі. Кәсіпорынның күнделікті 1000-1200 тоннаға дейін шикізат өңдейді.

«QAZAQ-ASTYQ GROUP» ЖШС өз өнімін Қытай, Эстония, Латвия, Испания, Польша, Өзбекстан, Тәжікстан, Қырғызстан, Беларуссия, Ресей сияқты елдерге экспорттап, отандық нарыққа да саудалайды.

Форум аясында бірқатар келісімдерге қол қойылды. Атап айтқанда, ағаш өңдеу кешенінің құрылысына байланысты «Универсал СМ» ЖШС мен «Luyi Country Hongyao Furniture Co.LTD» арасындағы бірлескен қызмет туралы меморандум бар.

Сондай-ақ, «Семей» ӘКК» АҚ мен «Wulehan invest Co.ltd» компаниясы арасында әлеуметтік-экономикалық ынтымақтастық және әлеуметтік әріптестік туралы келісім жасалды.