ШҚО ТЖД қызметкерлері ұшқышсыз ұшу аппаратының көмегімен таулы орман аймағының аумағына мониторинг жүргізді. 

«Орман» ЖПШ  шеңберінде,  XC-25 ұшқышсыз ұшу аппаратының жаттығу ұшуы пысықталды. Бұл жабдықты Министрлік әртүрлі ТЖ кезінде жергілікті жердің әуе мониторингі үшін берген. 

Глубокое ауданының орманды таулы аймағында табылған шартты термонүктелерінің координаттары берілді. Департамент қызметкерлері сол жерге келіп, ҰҰА-ны 500 м биіктікке көтеріп, аумақты айналып өтті. Ұшқышсыз ұшудың үлкен жылдамдығы тепловизиондық камераның көмегімен жылу нүктелерін аз уақыт ішінде анықтауға мүмкіндік берді.

ҰҰА навигациялық жүйесі орман аймағындағы шартты өрт ошақтарын растады. Өздігінен басқарылатын аппаратты басқару орнынан 50 км-ге дейінгі термонүктелерінің қашықтығына қарамастан, олар туралы деректерді дереу және өте жақсы сапада ТЖД қызметкерлері басқару пультіне алып, өртке жылдам ден қою мақсатында кезекшілеріне берді.