Үкімет қаулысының жобасы Қазақстан мен Әзербайжан Үкіметтері арасындағы қорғаныс шеңберіндегі әскери барлау саласындағы ынтымақтастық туралы келісімнің күшіне енуі жөніндегі мемлекетішілік рәсімдерді жүргізу мақсатында әзірленді.

Қол жеткізілген уағдаластықтарға уәкілетті органдар басшыларының ресми сапарлары және сарапшылардың жұмыс кездесулерін өткізу, терроризм мен экстремизм мәселелері бойынша барлау әскери ақпараттарын өзара алмасу, екі мемлекеттің аумағында бірлескен жауынгерлік дайындық іс-шараларын өткізу кіреді.

Қаулы жобасы «Қазақстан Республикасының халықаралық шарттары туралы» 2005 жылғы 30 мамырдағы Қазақстан Республикасы Заңы 5-бабының 2-тармағына және 15-бабының 2-тармақшасына сәйкес әзірленді.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде ағымдағы жылдың 6 тамызына дейін мына сілтеме бойынша танысуға болады: https://legalacts.egov.kz/npa/view?id=15145738