Мұхтар Әуезов атындағы Қазақ ұлттық драма театрында Ресей театр өнері институты оқытушыларының қатысуымен шеберлік сабақтар өтуде. Бағдарламада бірнеше бағыттар қамтылған: сахналық қозғалыс және сөйлеу, актерлік шеберлік, сонымен қатар мамандыққа қажетті басқа дағдылар.

Сабақтар актерлердің қабілеттерін жетілдіруге көмектеседі және жаһандық үрдістерге сәйкес қазақ театр сахнасының қарқынды дамуына бағытталған.

Озық жоғарғы оқу орны педагогтарының шеберлік сабақтары қазақ мәдениеті мен өнерін жоғары білікті кадрлармен қамтамасыз ете отырып, актерлік шеберліктің сапасын жаңартуға ықпал етеді.

Ресей театр өнері институты педагогтарының тренингтері мен шеберлік сабақтары Қазақ ұлттық театрының 100 жылдығына орайластырылды. Ол екі жылдан кейін тойланады. Шеберлік сабақтар 22 тамызға дейін өтеді.