Жоспар орындалады – Абай облысында агроөнеркәсіп кешенінің бірінші жартыжылдықтағы жұмысының қорытындысы шығарылды
Ауыл шаруашылығы өнімдерін жалпы шығару жоспары 489 миллион теңгеден асады. Бұл көрсеткішке облыста егін жинау науқаны аяқталғаннан кейін екінші жартыжылдықта қол жеткізу жоспарлануда.
Сондай-ақ жыл соңында саланың нақты көлем индексі 105 пайызды құрайды деп күтілуде. Бұл туралы өңірлік коммуникациялар қызметінде өткен брифингте ауыл шаруашылығы басқармасының басшысы Ертай Қуанбаев мәлімдеді.
- 2024 жылдың бірінші жартыжылдығында облыста ауыл шаруашылығының жалпы өнімі 98 774,4 миллион теңгеге жетті. Бұл өсім мал шаруашылығы өнімдерінің 8,3%-ға артуы есебінен болып отыр. Тірі салмақта ет өндіру 3,0 пайызға өсіп, 57,5 мың тоннаға жетті. Сүт өндірісі 3,3 пайызға өсіп, 136,9 мың тоннаны құрады, - деп атап өтті спикер.
Бұл ретте бірінші жартыжылдықта ірімшік пен сүзбе өндірісінің көлемі 7,1%-ға, өсімдік майы 11,9%-ға, ашытылған сүт өнімдері 2,3%-ға артты.
- Сонымен қатар, ауыл шаруашылығындағы негізгі капиталға 13,4 млрд теңге, азық-түлік тауарларына 455,2 млн теңге инвестиция тартылды. Ауыл шаруашылығы басқармасы ауыл шаруашылығы саласының тиімділігін арттыруға және агроөнеркәсіптік кешен үшін жағдайды жақсартуға бағытталған бірқатар стратегиялық шараларды жүзеге асыруда, - деп қорытындылады Ертай Қуанбаев.
Тағыда оқыңыз
Елімізде биылғы 5 айда мал шаруашылығы өнімдерін өндіру көлемі 3,6%-ға ұлғайдыМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы2023 жылы 65 тауарлы-сүт фермасын құруға 100 млрд теңге бөлу жоспарланып отырЖартыжылдық қорытындысы: ауыл шаруашылығындағы негізгі көрсеткіштер және шаруаларды мемлекеттік қолдау2024 жылда Қазақстанның ауыл шаруашылығында 79 инвестициялық жоба іске асырылды