Лион қаласында (Франция) 47-ші Дүниежүзілік кәсіби шеберлік чемпионаты – WorldSkills Lyon 2024 өтеді. Қазақстан бойынша Абай облысынан жарысқа төрт құзыреттіліктен ең көп қатысушы аттанды.

Еліміздің оқушылары 30 бағыт бойынша бақ сынайды. Абай облысы атынан Бизнес және сервис колледжінің студенті Гүлфия Жақиянова «Кондитерлік іс» құзыреті бойынша өнер көрсетеді. Геодезия, картография және құрылыс колледжінің студенті Нұралы Құмарбеков «Кірпіш қалау» құзыреті бойынша қатысады. Радиотехника және байланыс колледжінің студенттері Тимур Бабенко мен Елнар Жуасбаев «Мобильді робототехника» құзыретінде медаль үшін күреседі. Сонымен қатар Дастан Талғатов «Ақпараттық кабельдік желілер» бағыты бойынша облыс намысын қорғайды.

Чемпионатқа Абай облысының сарапшылары да төреші ретінде қатыспақ.

Еске сала кетейік, 2023 жылы Абай облысының командасы Қазақстан бойынша WorldSkills ұлттық чемпионатында жалпыкомандалық есепте бірінші орынды иеленген еді.