ҚТЖ-да «Самұрық-Қазына» қорының Жаңа кадрлық саясаты» таныстырылды
«ҚТЖ» ҰК» АҚ-ның 200 астам HR-мамандары «Қордың жаңа кадрлық саясаты» тақырыбы бойынша Самұрық-Қазына өкілдерімен кездесуге қатысты.
Спикерлер ретінде «Самұрық-Қазына» АҚ адам ресурстарын басқару департаментінің директоры Эльмира Каримова мен Самұрық-Қазына бизнес-академиясының директоры Шолпан Жұмағазиева сөз сөйледі.
Бейресми кездесу барысында спикерлер жаңа кадрлық саясат тек басшыларға ғана емес, қарапайым қызметкерлерге де қатысты екенін алға тартты.
«ҚТЖ» ҰК» АҚ-ның HR-мамандары Қордың кадр саясатының жаңа бағыттарымен және негізгі міндеттерімен, сондай-ақ жаңа корпоративтік құндылықтармен танысты. Қор өкілдері кездесуге қатысушылардың жұмысқа орналасуға, жалақы жүйесіндегі ашықтыққа және басқаларға қатысты сұрақтарына жауап берді.
Сондай-ақ, кездесуге қатысушыларға Samruk Business Academy, HR School, IR School, PR School және басқа да Қордың құзыреттерін дамытудың жаңа бағдарламалары таныстырылды.